Հավատարիմ մնալով իր տված խոստումին, որ մինչև տարեվերջ ծածկույթ կապահովի հանրապետության ողջ տարածքում, ՎիվաՍելը պատվով կատարեց իր այդ խոստումը և պաշտոնական մուտքը մարզերում զուգակցեց սոցիալական օժանդակություններով:

 

Ավարտելով աշխատանքները հարավային ուղղությամբ` ընկերությունը իր գրեթե ողջ տեխնիկական ներուժը բևեռացրեց Տավուշի մարզում: Տավուշի մարզը, լինելով սահմանամերձ շրջան, կարիք ունի որակյալ կապի: Այդ պահանջը պարտադրվում է մարզի ռազմավարական նշանակությամբ: Կապի նշանակությունը մարզում կարևորվում է նաև այն պատճառով, որ շրջանում, և  մասնավորապես Դիլիջանում, կան գեղատեսիլ կանաչ հանգստյան վայրեր: Որակյալ կապը խթան կհանդիսանա մարզում տուրիզմի և տնտեսական զարգացման համար:

 

ՎիվաՍելը անում է և կանի ամեն հնարավորը, որպեսզի մարզում որակյալ կապը լինի իրողություն և կապով ապահովված լինի ոչ միայն Իջևանը կամ Դիլիջանը, այլ նաև ողջ սահմանամերձ գոտին` Այգեձորից մինչև Բագրատաշեն:

 

Ընկերությունը, համագործակցելով ՙԱռաջինը երեխաներին՚ մանկական բարեգործական կազմակերպության հետ, հանդես է  եկել նոր նախաձեռնությամբ: ՎիվաՍելը ֆինանսավորելու է Դիլիջանի "Կաղնի Խաչ" թաղամասի # 11 մանկապարտեզի կապիտալ վերանորոգության ծախսերի շուրջ 70%, որը կազմում է 22.5 միլիոն դրամ կամ 50000 ԱՄՆ $: Ծրագիրը կտևի շուրջ 6 ամիս, լիովին կվերանորոգվի շենքը` նոր և հարմարավետ պայմաններ ստեղծելով երեխաների համար:

 

Ձախից աջ` "Առաջինը երեխաներին" բարեգործական հիմնադրամի նախագահ Նանի Օսկանյան, ՎիվաՍելի գլխավոր տնօրեն Ռալֆ Յիրիկյան, Դիլիջանի քաղաքապետ Արմեն Սանթրոսյան, Դիլիջանի թիվ 11 մանկապարտեզի տնօրեն Գրետա Աթաբեկյան:

 

Նոր Տարվա տոնահանդես Դիլիջանի թիվ 11 մանկապարտեզում:

 

 

ՎիվաՍելի գլխավոր տնօրեն Ռալֆ Յիրիկյան (աջից երկրորդ), Տավուշի փոխմարզպետ Լյովա Սարգսյան (աջ), Դիլիջանի քաղաքապետ Արմեն Սարգսյան (ձախ), "Առաջինը երեխաներին" բարեգործական հիմնադրամի նախագահ Նանի Օսկանյան (մեջտեղ) ամանորյա տոնահանդեսին Դիլիջանի թիվ 11 մանկապարտեզում: