«Super BIT»

•Տրամադրվող ինտերնետ ծառայությունները սպառելուց կամ դրանց գործողության ժամկետի ավարտից հետո Վիվա-ՄՏՍ-ը բաժանորդներին SMS ծանուցումներ ուղարկելու պարտավորություն չի կրում: Նշված ծանուցումներն ուղարկվում են չնախատեսված ծախսերից խուսափելու հարցում բաժանորդներին աջակցելու նպատակով՝ Վիվա-ՄՏՍ-ի հանրային էլեկտրոնային հաղորդակցության ցանցի առկա տեխնիկական հնարավորությունների սահմաններում: Ուստի, SMS ծանուցումները բաժանորդի կողմից չստանալը կամ ուշացումը կարող է պայմանավորված լինել Օպերատորի հսկողությունից դուրս գտնվող հանգամանքներից, այդ թվում` բաժանորդային սարքավորման որակից և տեխնիկական առանձնահատկություններից, ռադիոալիքների տարածմանը և ռադիոսարքավորումների բնականոն շահագործմանը խոչընդոտող հանգամանքներից, բաժանորդի գտնվելու վայրի առանձնահատկություններից: Ծառայությունների օգտագործումից առաջացած հավելյալ ծախսերից խուսափելու համար` բաժանորդը պետք է համապատասխան USSD հրահանգի միջոցով վերահսկի իրեն տրամադրված ծառայությունների ծավալը և գործողության ժամկետը:
•«Super BIT» ծառայությամբ տրամադրվող փաթեթը սպառելուց հետո կամ ծառայության գործողության ժամկետի ավարտից հետո բաժանորդը շարունակում է օգտվել ինտերնետից իր սակագնային պլանով նախատեսված սակագներով։
•«Super BIT» ծառայությունը հասանելի է ակտիվացման պահից սկսած 24 ժամվա ընթացքում: Բաժանորդը հնարավորություն ունի ինտերնետ-փաթեթը սպառելուց հետո կրկին ակտիվացնել ծառայությունը։
•«Super BIT» ծառայությունից օգտվելիս հնարավոր չէ ակտիվացնել այլ ինտերնետ-փաթեթ:
•Ակտիվացված այլ ինտերնետ-փաթեթ ունենալու դեպքում «Super BIT» ծառայությունն ակտիվացնելուց հետո նախ սպառվում է «Super BIT» ծառայությամբ տրամադրվող ինտերնետը, իսկ այնուհետև՝ ինտերնետ-փաթեթի ծառայությունները:
•Հաշվի սահմանաչափը բավարար չլինելու կամ սպառված լինելու դեպքում «Super BIT» ծառայության ավտոմատ երկարացման հնարավորությունն ապաակտիվանում է:
•«Super BIT» ծառայության ավտոմատ երկարացման հնարավորությունն ապաակտիվանում է, եթե քարտը կասեցված է կամ արգելափակված է:
•Յուրաքանչյուր ամսվա սկզբին հետվճարային սակագնային պլանի շրջանակում տրամադրվող ծառայությունների, այդ թվում՝ ինտերնետի թարմացման ժամանակ «Super BIT» ծառայության ավտոմատ երկարացման հնարավորությունն ապաակտիվանում է:
•«Super BIT» ծառայությունից հնարավոր չէ օգտվել ռոումինգում:
•«Super BIT» ծառայությունն ավտոմատ երկարացման հնարավորությամբ ակտիվացրած բաժանորդների համար ծառայությունն ավտոմատ կերկարացվի 500 ՄԲ փաթեթը սպառելուց կամ ծառայության գործողության ժամկետը սպառվելուց հետո: Երկու դեպքում էլ՝ բաժանորդը տեղեկացվում է SMS-ի միջոցով:
•«Super BIT» ծառայության ակտիվացման կամ ավտոմատ երկարացման ժամանակ խորհուրդ է տրվում չօգտվել ձայնային, ինտերնետ կամ SMS ծառայություններից, քանի որ, համակարգի տեխնիկական առանձնահատկություններից ելնելով, «Super BIT» ծառայության ակտիվացումը, հնարավոր է, չհաջողվի:
•Ծառայությունից հնարավոր չէ օգտվել ռոումինգում: Ծանոթացեք ծառայությունների սակագներին ռոումինգում:
•Բոլոր գները ներառում են ԱԱՀ: