ՎիվաՍել-ՄՏՍ-ը հրապարակում է 2008 թվականի արդյունքները և 2009 թվականի ծրագրերը

Այսօր Արմենիա-Մարիոտ հյուրանոցում կայացավ ՎիվաՍել-ՄՏՍ-ի մամուլի ասուլիսը, որին մասնակցեցին ընկերության Գլխավոր տնօրեն Ռալֆ Յիրիկյանը և փոխնախագահ, «ՄՏՍ արտասահմանյան դուստր ձեռնարկություններ» բիզնես միավորի տնօրեն Օլեգ Ռասպոպովը: Ասուլիսի ընթացքում հրապարակվեցին ընկերության 2008 թվականի գործունեության հիմնական ձեռքբերումներն ու 2009 թվականի ծրագրերը:

Հայաստանի առաջատար բջջային օպերատորը կարողացել է պահպանել իր դիրքերը 2008 թվականին, որի ընթացքում բաժանորդների թիվը հասել է ավելի քան 2 միլիոնի, իսկ շուկայում նրա մասնաբաժինը` ավելի քան 78%-ի: Ընկերությունը զգալիորեն ավելացրել է իր ապրանքատեսակների ու ծառայությունների թիվն ու վաճառքի ծավալները: ՎիվաՍել-ՄՏՍ-ն առավել մոտ է դարձել բաժանորդներին` երկրով մեկ տեղակայված իր 95 սպասարկման կենտրոնների միջոցով, որոնցից երկուսն արդեն իրականացնում են շուրջօրյա սպասարկում առանց հանգստյան օրերի:

2009թ-ին, որը մարտահրավերների տարի է, ընկերությունը պատրաստ է նոր ձեռքբերումների` ՄՏՍ մայր-ձեռնարկության աջակցությամբ: «ՎիվաՍել-ՄՏՍ-ն առողջ գործունեության հաջողված օրինակ է, և այսուհետ էլ կշարունակի այդպիսին լինել: Ընկերությունն իրականացնում է գերազանց գործունեություն և հասնում բարձր ցուցանիշների: 2009 թ-ին` 3-րդ սերնդի (3G) ցանցի ներդրմամբ, կմատուցվեն էլ ավելի գրավիչ ու նորարական ծառայություններ: Մեր բոլոր շուկաներում մենք ընդլայնում ենք առաջատարի մեր դիրքերը նոր ապրանքատեսակներ ու ծառայություններ առաջարկելու շնորհիվ, ինչպես նաև շարունակում լուրջ ներդրումներ կատարել նորարարությունների բնագավառում», - նշեց Օլեգ Ռասպոպովը:

«Մարտահրավերները առաջատարների մշտական ուղեկիցն են, և 2009 թվականն այդ առումով հարուստ է լինելու: Վիվասել-ՄՏՍ-ը լիովին պատրաստ է դրանց և վստահ իր ուժերին. մենք ունենք համախմբված և մոտիվացված թիմ, ամուր դիրքեր շուկայում, և մենք շարունակելու ենք լինել առաջատարը` հետապնդելով մեկ նպատակ` գոհացնել բաժանորդներին: Կենտրոնանալով  նորարարական ու նպատակային ապրանքատեսակների ու լուծումների վրա` ընկերությունը շարունակելու է ամրապնդել իր դիրքերը շուկայի բոլոր սեգմենտներում», - նշեց Ռալֆ Յիրիկյանը: 

Իր գործունեության ընթացքում ՎիվաՍել-ՄՏՍ-ը մշակել է սեփական արժեքային համակարգը` Հիմնարար արժեքները: «Հիմնարար արժեքները միավորում են մեզ` նպաստելով մեր գործունեության արդյունավետությանը, դարձնելով մեզ ավելի նպատակասլաց, պատասխանատու, թափանցիկ և ավելի մոտ մեր բաժանորդներին»,- ավելացրեց ՎիվաՍել-ՄՏՍ-ի Գլխավոր տնօրենը:

ՎիվաՍել-ՄՏՍ-ի կոմերցիոն գործունեությունը սերտորեն կապված է հասարակության հանդեպ ընկերության ունեցած պատասխանատվության հետ: 2008 թվականին ընկերության Կորպորատիվ սոցիալական պատասխանատվության ծրագրերն ուղղված էին Հայաստանի մարզերի զարգացմանը: 2009 թվականի համար ՎիվաՍել-ՄՏՍ-ը որդեգրել է կորպորատիվ սոցիալական պատասխանատվության առավել հստակ ուղղվածությամբ ծրագրեր: Դրանք են` «ՎիվաՍել-ՄՏՍ-ը երեխաներին», «ՎիվաՍել-ՄՏՍ-ը մշակույթի բարեկամ» և «ՎիվաՍել-ՄՏՍ-ը սպորտի գործընկեր»:

3-րդ սերնդի ցանցը` հարստացած HSDPA-ի համակարգով, ընկերությանը կապահովի շատ կարևոր հիմք բաժանորդներին բարձրորակ և նորարարական ծառայություններ մատուցելու համար:

Սպասեք ավելին: ՎիվաՍել-ՄՏՍ – ավելին քան օպերատոր: