3G ցանցի մեկնարկը

16 ապրիլի 2009

Ուրախ ենք տեղեկացնելու ՎիվաՍել-ՄՏՍ-ի նոր` 3G (երրորդ սերնդի) ցանցի կոմերցիոն մեկնարկի մասին: Երրորդ սերնդի UMTS*/HSPA** ցանցի շահագործումը նշանավորում է Հայաստանում հեռահաղորդակցության ոլորտի զարգացման նոր փուլի սկիզբը, ՎիվաՍել-ՄՏՍ-ի բոլոր բաժանորդներին հնարավորություն ընձեռելով վայելելու շարժական լայնաշերտ ինտերնետի տեխնոլոգիան:

Տվյալների փոխանցման բարձր արագություն ու ձայնային ծառայությունների բարձր որակ ապահովող այս նորագույն տեխնոլոգիաները հնարավորություն են ընձեռում օգտվելու մի շարք նոր, հետաքրքիր ծառայություններից, ինչպես նաև վայելելու նախկինում մատուցվող ծառայություններն անհամեմատ բարձր որակով:

3G-ի ընձեռած հնարավորություններից օգտվելու համար անհրաժեշտ է ունենալ 3G ապահովող բջջային հեռախոս և գտնվել 3G ծածկույթում: Այս փուլում 3G ծածկույթով ապահովված են Երևան, Գյումրի և Վանաձոր քաղաքները: Այս տարածքներում, շարունակելով օգտվել Ինտերնետից իրենց ընթացիկ սակագնային պլանների շրջանակներում, ՎիվաՍել-ՄՏՍ-ի բաժանորդներն արդեն իսկ վայելում են նախկինում անհասանելի արագություն` 1 ՄԲ-ի համար վճարելով նույն սակագինն, ինչ որ նախկինում:

Բացի այդ ՎիվաՍել-ՄՏՍ-ը ներկայացնում է մի շարք լուծումներ, որոնց շնորհիվ Դուք լիովին կարող եք վայելել 3G-ի ընձեռած հնարավորությունները.

Նոր «ՄՏՍ Կոնեկտ» USB մոդեմը հնարավորություն է տալիս միանալու Ինտերնետին անմիջապես համակարգչից` խուսափելով բջջային հեռախոսը որպես մոդեմ օգտագործելու հետ կապված անհարմարություններից,
Նոր «ՄՏՍ Կոնեկտ» սակագնային պլանն առաջարկում է Ինտերնետից օգտվելու առավել մատչելի սակագներ և SMS հաղորդագրություններ ուղարկելու և ստանալու հնարավորություն,
Նոր «Տեսազանգ» ծառայությունը հնարավորություն է տալիս խոսելիս տեսնելու զրուցակցին բջջային հեռախոսի էկրանին,
ՎիվաՍել-ՄՏՍ-ի Բջջային պորտալը (wap.vivacell.am) տրամադրում է թարմ գործարար և այլ բնույթի նորություններ, սպորտային ամենաթեժ տեղեկատվություն, հայկական և միջազգային բովանդակություն և բազմաթիվ այլ հետաքրքիր և զվարճալի ծառայություններ:

3G` նոր սերունդ, նոր հնարավորություններ

Հավելյալ տեղեկությունների համար, զանգահարեք 111:

* Universal Mobile Telecommunications System – Շարժական կապի ունիվերսալ համակարգ
** High Speed Packet Access – Գերարագ փաթեթային մուտք

Նաև կարող եք զանգահարել մեզ 111 և 093 297111 հեռախոսահամարներով:

Ֆիքսված ծառայությունների վերաբերյալ հարցերի դեպքում խնդրում ենք զանգահարել 060 61 00 00 հեռախոսահամարով: