Առաջին անգամ Հայաստանում` Samsung Galaxy S

27 սեպտեմբերի 2010

ՎիվաՍել-ՄՏՍ-ն ուրախ է տեղեկացնել, որ ս.թ. սեպտեմբերի 28-ից «Samsung Electronics Co. Ltd.» ընկերության հետ պաշտոնական բացառիկ համագործակցության շրջանակներում ՎիվաՍել-ՄՏՍ-ի սպասարկման կենտրոններում կարող եք ձեռք բերել Android օպերացիոն համակարգով գործող Samsung Galaxy S սմարթֆոնները:

Samsung Galaxy S սմարթֆոնի շնորհիվ կյանքը դառնում է առավել հարմար, հետաքրքիր և լիարժեք: Այն ստեղծված է հարստացնելու օգտագործողի առօրյան գերժամանակակից ծառայությունների և տեխնոլոգիաների միջոցով: Վայելեք Super AMOLED համակարգով ամենամեծ էկրանի բացառիկ պայծառությունը, Google-ի անգերազանցելի բջջային ծառայությունները, Android Market-ի հազարավոր ծրագրերը և շատ ավելին մեկ հեռախոսում:

1 ԳՀց պրոցեսորի շնորհիվ այս սմարթֆոնը թույլ է տալիս դիտել HD ֆորմատի տեսանյութեր, իսկ Layar Reality Browser-ի շնորհիվ` հեշտությամբ տեղեկանալ շրջակայքում առկա սրճարանների, խանութների, պատկերասրահների և հետաքրքրություն ներկայացնող այլ վայրերի մասին:

Ավելին, Galaxy S սմարթֆոնում ներկայացված mDNIe (mobile Digital Natural Image engine) տեխնոլոգիայի շնորհիվ լուսանկարների և տեսանյութերի դիտումը, էլեկտրոնային գրքերի ընթերցումը և մուլտիմեդիայի օգտագործումը դառնում են առավել վառ և հաճելի:

Իսկ սոցիալական ցանցերում հաղորդակցումը և ակնթարթային հաղորդագրությունների փոխանակումը կազմակերպված են այնպես, որ Դուք միշտ կապի մեջ կլինեք ընկերների, հարազատների և գործընկերների հետ` ուր էլ որ լինեք:

Samsung Galaxy S սմարթֆոնը ներկայացված է երկու տարբերակով` 16 ԳԲ և 8 ԳԲ ներքին հիշողությամբ` համապատասխանաբար 315000 դրամ և 295000 դրամ արժողությամբ:

ՎիվաՍել-ՄՏՍ-ի սպասարկման կենտրոններում ձեռք բերված Samsung Galaxy S սմարթֆոնների համար տրամադրվում է արտադրողի 12-ամսյա պաշտոնական երաշխիք:

Ցանկության դեպքում հեռախոսը կարելի է ձեռք բերել նաև ապառիկ` հետևյալ պայմաններով.

Ներքին հիշողություն	Կանխավճար (դրամ)	Ամսական վճար (դրամ)
Ներքին հիշողություն	Կանխավճար (դրամ)	12 ամիս	18 ամիս	24 ամիս
16 ԳԲ	31 500	25 991	18 088	14 153
8 ԳԲ	29 500	24 341	16 940	13 254

Գները ներառում են ԱԱՀ:

Նաև կարող եք զանգահարել մեզ 111 և 093 297111 հեռախոսահամարներով:

Ֆիքսված ծառայությունների վերաբերյալ հարցերի դեպքում խնդրում ենք զանգահարել 060 61 00 00 հեռախոսահամարով: