Շահագործված գույքի բաց վաճառք

Հարգելի գործընկերներ,

Սիրով հայտնում ենք, որ ՎիվաՍել-ՄՏՍ Ընկերությունն, ի դեմս Ակտիվների կառավարման հանձնաժողովի և Գնումների բաժնի, կազմակերպում է Ընկերության կողմից շահագործված խառը գույքի վաճառքի իրացման համար գնառաջարկների ներկայացման բաց գործընթաց: Գույքի վաճառքը այսուհետև իրականացվելու է համաձայն նոր ընդունված ընթացակարգի:

Հայտատուները պետք է այցելեն պահեստ վաճառվող գույքը ուսումնասիրելու և իրենց հետաքրքրող լոտերի ձեռքբերման մասին որոշում կայացնելու համար: Գույքի ձեռքբերման վերաբերյալ որոշում կայացնելուց հետո Հայտատուն Պահեստի բաժնի ներկայացուցիչի հետ միասին տեղում լրացնում և ստորագրում է գույքի առքուվաճառքի պայմանագիրը՝  ներկայացնելով իր անձնագրի կամ նույնականացման քարտի պատճենը: Պահեստի ներկայացուցիչն իր հերթին պատրաստում է համապատասխան վաճառքի փաստաթուղթ հաշվապահական ծրագրում, որի հիման վրա Հաշվապահության բաժինը հետագայում դուրս է գրում հաշիվ-ապրանքագիր: Իր կողմից ձեռք բերվող գույքի համար Հայտատուն վճարում է պահեստի տարածքում գտնվող ՄոբիԴրամի վճարային տերմինալի միջոցով: Ստորագրված պայմանագրի և վճարման անդորրագրի հիման վրա Պահեստի բաժնի ներկայացուցիչը Հայտատուին է հանձնում վաճառված գույքն անմիջապես կամ մի քանի ժամում՝ պարտադիր նույն օրվա ընթացքում: Պահեստի բաժնի ներկայացուցիչը տպում է վաճառքի փաստաթուղթը հաշվապահական ծրագրից և Հայտատուի հետ միասին ստորագրում է այն որպես գույքի հանձնման ակտ: Հայտատուն պատասխանատու է գնված գույքի ստացումը և տեղափոխումը նույն օրվա ընթացքում կազմակերպելու համար:

Վաճառքի գործընթացի շրջանակներում գույքը հայտատուները կարող են տեսնել/զննել յուրաքանչյուր աշխատանքային օր ՄՏՍ Հայաստան ՓԲԸ պահեստի տարածքում` տեղակայված Րաֆֆու 111, Երևան, ՀՀ հասցեում, նախապես զանգահարելով պահեստի բաժնի աշխատակից Արմեն Մանուկյանին (093 298 698):