Ողջույնի խոսք

Ուրախ եմ ողջունել Ձեզ՝ Վիվա-ՄՏՍ-ի պաշտոնական կայքէջում: Շնորհակալ եմ մեր ընկերության հանդեպ ցուցաբերած հետաքրքրության համար:

Թվայնացվող աշխարհը մարդկանց տալիս է նոր գործիքներ, բազմազանություն և ընտրություն կատարելու չափազանց մեծ հնարավորություն:  Անհրաժեշտ է կողմնորոշվել՝ ինչպես ընտրել հաղորդակցության ճիշտ գործիքներ, լավագույն լուծումներ և նպատակին հասնելու ռեսուրսներ և ջանքեր:

Թվայնացման դարում, երբ գործընթացներն իրականացվում են վիթխարի արագությամբ, ամեն վայրկյան նոր իրականություն է ստեղծվում  և  գրեթե չկա արձագանքելու ժամանակ, պետք է արագ կողմնորոշվել ու կայացնել ճիշտ որոշում, այսինքն` լինել ճկուն:  Անհրաժեշտ է համատեղել անձնականն ու գործնականը, աշխատել ու սովորել, ուրախանալ, նոր բարձունքներ հաղթահարել ու վայելել կյանքը: Նոր մարտահրավերները պահանջում են վստահելի, հուսալի,  բանիմաց գործընկերներ, ինչպես նաև հավասարակշռված մոտեցում և անձնական հաղորդակցության ու գործարար խնդիրներ լուծելու գործիքակազմ:

Իր ավելի քան տասնյոթամյա գործունեության ընթացքում, տեղեկատվական ու հեռահաղորդակցային տեխնոլոգիաների ոլորտում նորարարությունների առաջամարտիկ լինելով՝ Վիվա-ՄՏՍ-ը ձեռք է բերել ավելի քան երկու միլիոն բաժանորդի վստահությունն ու հավատարմությունը: Այդ ամենը՝ բաժանորդի հետ ազնիվ գործակցության, սպառողի կարիքները հասկանալու և համաշխարհային փորձը տեղայնացնելու շնորհիվ:

Թվային վերափոխման դարաշրջանում Վիվա-ՄՏՍ-ի ռազմավարությունն ուղղված է ոչ միայն ձայնային ու ինտերնետ հասանելիության ծառայությունների մատուցմանը, այլև հեռահաղորդակցության վրա հիմնված ծառայությունների էկոհամակարգի ստեղծմանը: Մենք շարունակում ենք կարևոր համարել բաժանորդների համար երկարաժամկետ արժեքի ստեղծումը: Այս ամենի հիմքում մեծ տվյալների ու թվային բազմաթիվ գործիքների ընձեռած հնարավորություններն են:

Նորարարության ու տեխնոլոգիական առաջընթացի հիմքում Վիվա-ՄՏՍ-ի հիմնարար արժեքներն են. թիմային մոտեցում, փոխադարձ հարգանք, խոստումների կատարում, կարգապահություն, բարձրակարգ սպասարկում և հոգատարություն:

Վիվա-ՄՏՍ-ը հասարակության կողքին է՝ տարբեր ոլորտներում սոցիալական ահռելի ներդրումներ կատարելով, պետության կողքին՝ կառուցողական գործընկերությամբ տնտեսության զարգացմանն աջակցելու մղումով: Որպես խոշոր հարկատու, գործատու և սոցիալապես պատասխանատու ընկերություն՝ Վիվա-ՄՏՍ-ը հասարակության մի մասն է, կայուն ու հուսալի գործընկեր է՝ անհատի և բիզնեսի համար։

Շնորհակալ եմ, որ մեզ հետ եք և վստահում եք մեզ:

Վիվա-ՄՏՍ-ի գլխավոր տնօրեն

Արմեն Ավետիսյան