«Fantasy League»

Ինչպե՞ս բաժանորդագրվել

Խաղալ սկսելու համար անհրաժեշտ է ակտիվացնել ծառայությունը՝ 1122 կարճ համարին ուղարկելով «Start» բառը պարունակող SMS հաղորդագրություն, կամ մուտք գործելով https://football.mts.am պորտալ և սեղմելով «Բաժանորդագրվել» կոճակը:

Wi-Fi-ի միջոցով բաժանորդագրվելու դեպքում անհրաժեշտ է հեռախոսի համարի լրացուցիչ հաստատում` հետևելով հավելվածի հրահանգներին:

Առաջին անգամ բաժանորդագրվելիս բաժանորդը ստանում է 3 օր՝ փորձնական, իսկ փորձնական շրջանն ավարտվելուց հետո անցում է կատարվում ծառայության վճարովի տարբերակին: «Fantasy League»-ին բաժանորդագրությունը հասանելի է օրական տարբերակով:

Նախքան փորձնական շրջանի ժամկետը լրանալը ծառայությունը կարելի է ապաակտիվացնել՝ 1122 կարճ համարին ուղարկելով «Stop» բառը պարունակող SMS հաղորդագրություն, կամ մուտք գործելով https://football.mts.am պորտալ և սեղմելով «Ապաբաժանորդագրվել/ապաակտիվացնել» կոճակը: Ծառայությունը կրկին ակտիվացնելու դեպքում փորձնական շրջան չի տրվում:

Խաղը հասանելի է թե՛ Android, և թե՛ iOS օպերացիոն համակարգերով գործող բջջային սարքերով:

Ինչպե՞ս խաղալ

• Ծառայությունն ակտիվացնելուց հետո իրական մարզիկների առաջարկվող ցանկից ընտրեք Ձեր ֆենթըզի թիմի խաղացողներին այն թիմերից, որոնք մասնակցել են նախկին հանդիպումներին:
• Ֆլեշբեք մրցույթները բաղկացած են իրական հանդիպումներից, որոնք կայացել են անցյալում:
• Հավաքեք միավորներ`կախված ֆլեշբեք մրցույթներում խաղացողների իրական արդյունքներից։
•  Մրցակցող թիմերը և խաղի կայացման ամսաթիվը ներկայացվում են հանդիպման սկզբում։
• Ակտիվ բաժանորդները հնարավորություն են ստանում յուրաքանչյուր մրցանակային օր շահելու մրցանակներ` ելնելով վերջնական աղյուսակում իրենց թիմի գրանցած արդյունքներից:

Ի՞նչ մրցանակներ են տրվում հաղթողներին

«Fantasy League» առցանց խաղի 10 հաղթողները հնարավորություն ունեն որպես մրցանակ ստանալու 5-ից 25 ԳԲ ծավալով ինտերնետ փաթեթներ՝ կախված զբաղեցրած մրցաշարային տեղից:

Ինտերնետ փաթեթները հասանելի են ակտիվացման օրվանից սկսած 30 օրվա ընթացքում:

Այլ ակտիվ ինտերնետ փաթեթ ունենալու դեպքում (օրինակ՝ ընթացիկ սակագնային պլանով տրամադրվող հիմնական փաթեթ, «BIT», «Super BIT») առաջին հերթին սպառվում է որպես մրցանակ ստացված փաթեթը: «X», «Y» և «Z» սակագնային պլանների շրջանակում ևս համապատասխան հավելվածներից անսահմանափակ օգտվելիս առաջին հերթին սպառվում է որպես մրցանակ ստացված փաթեթը:

Փաթեթի կարգավիճակը ստուգելու համար անհրաժեշտ է ուղարկել *440# USSD հրահանգը:

Ինչպե՞ս են որոշվում հաղթողները և մրցանակները

Հաղթողներն ու մրցանակները որոշվում են ըստ առաջատարների աղյուսակի, որը կազմվում է հաշվի առնելով խաղերի ընդհանուր արդյունքները: Յուրաքանչյուր խաղացողի գրանցած արդյունքները հաշվարկվում են նախկինում կայացած հանդիպումների արդյունքներով: Միավորները կուտակվում են խաղացողների իրական ցուցանիշները հաշվի առնելով:

Եթե առաջատարների ցուցակում որևէ դիրքի համար կա ոչ ոքի, ապա մասնակիցները տեղափոխվում են հաջորդ տեղ, և բոլոր ոչ ոքի մրցակիցները ստանում են իրենց մրցանակները՝ ելնելով թիմը ձևավորելու ժամանակահատվածից, այսինքն՝ թիմը առաջինն ընտրող օգտատերը հայտնվում է ամենաբարձր դիրքում, նույնիսկ եթե բոլոր օգտատերերի թիմերը նույն արդյունքն են ունենում:

Օրինակ, եթե երեք օգտագործող ընտրում են միևնույն թիմը և ստանում են հավասար քանակությամբ միավորներ, ապա առաջինը թիմն ընտրած օգտագործողը զբաղեցնում է առաջին տեղը, երկրորդը թիմն ընտրած օգտագործողը՝ երկրորդ տեղը, իսկ երրորդ օգտագործողը՝ երրորդը: Բոլոր երեք օգտագործողները ստանում են ինտերնետ-փաթեթներ, համապատասխանաբար՝ 25 ԳԲ, 20 ԳԲ և 15 ԳԲ ծավալով:

Հաղթելու դեպքում «Արդյունքներ» էջում հաղթողի ցուցիչը ցույց է տալիս մրցույթների արդյունքում տրվող մրցանակը: Այնուհետև բաժանորդը ստանում է իր շահումը հաստատող SMS հաղորդագրություն և համապատասխան կուպոնի կոդ:

Հաղթելու դեպքում որպես մրցանակ ստացած ինտերնետ փաթեթն ակտիվացնելու համար պետք է մուտք գործել «My Viva-MTS» բջջային հավելվածի անձնական հաշիվ և պրոմո-կոդի դաշտում լրացնել համապատասխան ծածկագիրը: Ինտերնետ-փաթեթը կակտիվանա այն բջջային համարին, որից մուտք է գործած անձնական հաշիվ։ Փաթեթն ակտիվացնելիս ծանոթացեք փաթեթի տրամադրման և ակտիվացման պայմաններին։

Խաղերի մասին մանրամասն տեղեկությունները և վիճակագրությունը հասանելի են օգտագործողի ինտերֆեյսում: Կուտակած միավորների բոլոր մանրամասները զետեղված են «Միավորների հաշվարկ» էջում:

Բաժանորդագրության գինը

Առաջին անգամ բաժանորդագրվելիս օգտվողը ստանում է 3 օր փորձնական, իսկ փորձնական շրջանն ավարտվելուց հետո անցում է կատարվում ծառայության վճարովի տարբերակին: «Fantasy League»-ին բաժանորդագրությունը հասանելի է օրական տարբերակով: Ծառայության դիմաց գանձումն իրականացվում է օրական կտրվածքով:

Օրական բաժանորդագրություն՝ 75 դրամ/օր

«Fantasy League» հավելվածիցօգտվելիսբաժանորդի հիմնական ինտերնետ փաթեթը չի սպառվում:

1122 կարճ համարին ուղարկվող SMS հաղորդագրությունների համար հավելյալ գումար չի գանձվում:

Բոլոր գները ներառում են ԱԱՀ:

Ինչպե՞ս ապաբաժանորդագրվել

• SMS հաղորդագրության միջոցով. ուղարկեք «Stop» բառը 1122 (ի պատասխան կուղարկվի ապաբաժանորդագրությունը հաստատող հաղորդագրություն)
• https://football.mts.am պորտալի միջոցով. մուտք գործեք հավելվածի «Իմ հաշիվը» բաժին և սեղմեք «Ապաբաժանորդագրվել»

Ծանոթություններ

• Ռոումինգում գտնվելիս 1122 կարճ համարին ուղարկված SMS հաղորդագրության և օգտագործած ինտերնետի դիմաց վճարները սահմանվում են ըստ այդ ծառայությունների համար ռոումինգի տվյալ ուղղությամբ գործող սակագների: