Viva-ի 5G+ ցանցը Սյունիքում և Վայոց ձորում․ Հայաստանի միակ 5G+ ցանցն արդեն հասանելի է Երևանում և 8 մարզի 32 քաղաքում

Viva-ն շարունակում է Հայաստանում առաջին և միակ 5G+ ցանցի ընդլայնումը՝ նոր սերնդի կապը հասանելի դարձնելով երկրի հարավում։ 5G+ տեխնոլոգիան արդեն հասանելի է Գորիսում, Կապանում, Քաջարանում, Սիսիանում, ինչպես նաև Ջերմուկում, Վայքում և Եղեգնաձորում։ Երկրի միակ 5G+ ցանցի՝ Սյունիք և Վայոց ձոր ընդլայնման արդյունքում՝ այսօր այն հասանելի է Հայաստանի բնակելի տարածքների շուրջ 80 տոկոսում։

Հայաստանի հարավում՝ Սյունիքում և Վայոց ձորում, 5G+ ներդրումը միայն ցանցի աշխարհագրական ընդլայնում չէ։ Նոր սերնդի կապը հասանելի է դառնում քաղաքներում, որոնցից յուրաքանչյուրն առանձնահատուկ դեր ունի երկրի տնտեսական, զբոսաշրջային, արդյունաբերական և տրանսպորտային համակարգում։

5G+ ցանցի ընդլայնման աշխատանքներին տեղում ծանոթանալու նպատակով՝ Viva-ի գլխավոր տնօրեն Արմեն Ավետիսյանն այցելել է Գորիս։ Նա այցելել է նաև բազային կայաններ, որտեղ հետևել է 5G+ տեխնոլոգիայի ներդրման ավարտական աշխատանքներին։ Արագության չափման արդյունքներով տվյալների ներբեռնման արագությունը կազմել է 522 Մբիթ/վ, իսկ վերբեռնման արագությունը՝ 91,24 Մբիթ/վ։

«Գորիսի բնակիչները, որտեղ արդեն գործարկվել է 5G+ ցանցը, արժանի են կապի ամենաժամանակակից հնարավորություններին՝ հենց այստեղ՝ իրենց քաղաքում։ Այսօր Viva-ի 5G+-ն արդեն հասանելի է Գորիսում, ինչպես նաև Սյունիքի և Վայոց ձորի ևս վեց քաղաքներում։ Ես հրավիրում եմ բոլոր նրանց, ովքեր օգտվում են կապի ծառայություններից՝ միացե՛ք Viva-ին և անձամբ գնահատե՛ք նոր հնարավորությունները։ Մենք ներդրումներ ենք կատարում ցանցի զարգացման ուղղությամբ, որպեսզի դուք կարողանաք ավելի հարմարավետ աշխատել, սովորել, զարգացնել բիզնեսը և մշտապես կապի մեջ լինել հարազատների հետ։ Սակայն վստահությունը ձեռք է բերվում ոչ թե հայտարարություններով, այլ ամենօրյա որակյալ կապով։ Ուստի իմ հրավերը պարզ է՝ փորձե՛ք Viva-ի կապն այնտեղ, որտեղ ապրում և աշխատում եք, և սեփական փորձով զգացեք դրա առավելությունները։ Կապի ապագան արդեն Գորիսում է և Հայաստանի մյուս խոշոր քաղաքներում։ Եղե՛ք Viva-ի հետ»,– նշել է Viva-ի գլխավոր տնօրեն Արմեն Ավետիսյանը։

5G+ ցանցը հնարավորություն է տալիս կատարել տվյալների ավելի արագ փոխանցում, կիրառել արհեստական բանականության վրա հիմնված ավելի բարդ լուծումներ, ներդնել լայնածավալ IoT համակարգեր և զարգացած ամպային ծառայություններ, կատարել իրական ժամանակում տվյալների մշակում, ապահովել վիրտուալ և ընդլայնված իրականության, արհեստական ​​բանականության և թվային կրկնօրինակների լուծումներ, իրականացնել սարքավորումների հեռավար մոնիթորինգ, արդյունաբերական ավտոմատացում, առաջարկել նոր սերնդի ինտերակտիվ թվային ժամանց և առաջադեմ այլ ծառայություններ։

Համաշխարհային փորձը ցույց է տալիս, որ 5G+ ցանցի լայնածավալ ներդրումը կարող է նշանակալի ազդեցություն ունենալ տնտեսության, մրցունակության և թվային էկոհամակարգերի զարգացման վրա։ Հենց այս ռազմավարական տեսլականով էր պայմանավորված Viva-ի կողմից Հայաստանի պատմության մեջ ռադիոհաճախականային սպեկտրի ձեռքբերման ամենամեծ ներդրումը: Արդյունքում՝ Viva-ն այժմ ունի կրկնակի ավելի հաճախականային ռեսուրսներ: 5G-ի համար հատկացված ռադիոհաճախականությունների օգտագործման թույլտվության ստացումը ստեղծել է անհրաժեշտ հիմք՝ 5G+ ցանցի ներդրման և հաջորդ սերնդի թվային ծառայությունների ու լուծումների զարգացման համար։

Ս.թ. հուլիսին Viva-ին շնորհվել է Speedtest մրցանակը՝ որպես Հայաստանում 2026 թվականի առաջին կիսամյակում ամենաարագ բջջային ցանց ունեցող ընկերություն։ https://www.ookla.com/research/reports/award-report-2026-q1-q2-fastest-mobile-network-viva

Հիշեցնենք, որ 2026 թվականի հուլիսին Viva-ն առաջինը Հայաստանում գործարկեց 5G+ ցանցը՝ նոր սերնդի կապը հասանելի դարձնելով Երևանում, ինչպես նաև Շիրակի, Լոռու, Տավուշի, Գեղարքունիքի, Կոտայքի և Արագածոտնի մարզերի քաղաքներում։ Արդյունքում՝ 5G+ տեխնոլոգիան այսօր այն հասանելի է Հայաստանի բնակելի տարածքների շուրջ 80 տոկոսում։ 5G+ ցանցի ընդլայնումը շարունակվում է մեծ ինտենսիվությամբ՝ մարզային նոր քաղաքներ ընդգրկելու նպատակով։