Զգացեք 5G+-ը Երևանում և վեց մարզերում. Viva-ն գործարկել է Հայաստանի առաջին և միակ 5G+ ցանցը

Զգացեք 5G+-ը Երևանում և վեց մարզերում․ Viva-ն հայտարարում է Հայաստանի առաջին և միակ 5G+ ցանցի գործարկման մասին Երևանում և Շիրակի, Լոռու, Տավուշի, Գեղարքունիքի, Կոտայքի և Արագածոտնի մարզերի քաղաքներում: Նախագծի հաջորդ փուլում Viva-ն կշարունակի ընդլայնել իր 5G+ ցանցը՝ մինչև տարեվերջ Հայաստանի բոլոր քաղաքներում ապահովելով դրա հասանելիությունը: 5G+ ցանցն աստիճանաբար հասանելի կդառնա նաև գյուղական համայնքներում և այլ բնակավայրերում: Տեսանյութ

5G+-ի հիմնական առավելությունը բջջային տեխնոլոգիաների նախորդ սերունդների, ինչպես նաև՝ ավանդական 5G-ի նկատմամբ, չի սահմանափակվում միայն ավելի բարձր արագությամբ, ավելի քիչ հապաղմամբ և մեկ ցանցում միաժամանակ զգալիորեն ավելի մեծ թվով սարքեր միացնելու հնարավորությամբ:

5G+-ը, որը հիմնված է բարելավված ցանցային ինտելեկտի և առաջադեմ 5G հնարավորությունների վրա, ապահովում է ենթակառուցվածք, որն անհրաժեշտ է թվային ծառայությունների նոր սերնդի զարգացման համար։ Այն հնարավորություն է տալիս կիրառել արհեստական ​​բանականությամբ աշխատող ավելի բարդ հավելվածներ, IoT-ի լայնածավալ ներդրում, տվյալների իրական ժամանակում մշակում և վիրտուալ (VR), լրացված (AR) և խառը (MR) իրականության վրա հիմնված ընդգրկուն փորձառություններ: Այսպիսով՝ 5G+-ն վերափոխում է ցանցը՝ հաղորդակցային պլատֆորմից այն վերածելով խելացի թվային ծառայությունների և չորրորդ արդյունաբերական հեղափոխության հիմքի:

Համաշխարհային փորձը ցույց է տալիս, որ 5G+-ի լայնածավալ ներդրումը զգալի ազդեցություն ունի երկրների տնտեսության, մրցունակության և թվային էկոհամակարգերի վրաՀենց այս ռազմավարական տեսլականն էր, որը բերեց Viva-ի կողմից Հայաստանի պատմության մեջ ամենամեծ ռադիոսպեկտրի ռեսուրսների ձեռքբերմանը: 

Viva-ն այժմ ունի կրկնակի ավելի ռեսուրսներ, ինչը հնարավոր է դարձել ընկերության պատմության մեջ ռադիոսպեկտրի ձեռքբերման ամենամեծ ներդրման շնորհիվ: 5G-ի համար հատկացված ռադիոհաճախականությունների օգտագործման թույլտվության ստացումը ստեղծել է անհրաժեշտ հիմք՝ Standalone 5G+ ցանցի ներդրման և հաջորդ սերնդի թվային ծառայությունների ու լուծումների զարգացման համար։

Երևանում 5G+ ցանցի ներդրումն իրականացվել է Nokia-ի տեխնոլոգիական աջակցության ու լուծումների, իսկ Շիրակի, Լոռու, Տավուշի, Գեղարքունիքի, Կոտայքի և Արագածոտնի մարզերի քաղաքներում՝ Ericsson-ի տեխնոլոգիական աջակցության և լուծումների շնորհիվ։

5G+ ցանցը Viva-ին հնարավորություն է տալիս մշակել նորարարական թվային ծառայություններ, որոնք օգտակար կլինեն ինչպես անհատ բաժանորդների, այնպես էլ գործարար ոլորտի համար։

5G/5G+-ի, IoT-ի և արհեստական ​​բանականության օգտագործմամբ ամենամեծ տնտեսական ազդեցությունն ակնկալվում է ունենալ հետևյալ ուղղություններում՝

• արդյունաբերական ռոբոտաշինություն
• խելացի արտադրություն և կանխատեսող տեխնիկական սպասարկում
• խելացի գյուղատնտեսություն
• ջրային ռեսուրսների խելացի կառավարում
• խելացի քաղաքներ
• թվային երկվորյակներ

5G+-ը նաև հիմք է ստեղծում թվային ծառայությունների նոր սերնդի համար։ Դրանց թվում են արհեստական ​​բանականության վրա հիմնված խելացի զանգերը, որոնց ընթացքում խոսքն իրական ժամանակում կարող է թարգմանվել զրուցակցի նախընտրած լեզվով և ուղեկցվել էկրանին ցուցադրվող ենթագրերով, ինչպես նաև ամպային սմարթֆոնները, որտեղ սարքի հաշվողական ռեսուրսներն ու հավելվածները տեղակայված են օպերատորի ամպային ենթակառուցվածքում՝ բարելավելով ինչպես սարքի աշխատանքը, այնպես էլ օգտվողի ընդհանուր փորձառությունը։

Համաշխարհային փորձը նաև վկայում է, որ 5G+ ենթակառուցվածքը կարող է արագացնել ինքնավար տրանսպորտի, հեռաբժշկության, խելացի արտադրության և թվային տնտեսության այլ առաջադեմ լուծումների զարգացումը։

Ակնկալվում է նաև, որ 5G+-ի զարգացումը զգալիորեն կվերափոխի հեռահաղորդակցության օպերատորների բիզնես մոդելը։ Հինգերորդ սերնդի կապը հնարավորություն է տալիս արհեստական ​​բանականության հնարավորությունները տեղակայել անմիջապես ցանցի ներսում՝ ապահովելով գրեթե ակնթարթային արձագանքում և բարելավված աշխատանք։ Այս մոտեցումը թույլ կտա օպերատորներին կապի մատակարարներից աստիճանաբար դառնալ իրական ժամանակում թվային ծառայություններ և արհեստական ​​բանականության վրա հիմնված լուծումներ տրամադրող հարթակներ։

«Ակնկալում ենք, որ 5G+-ի ներդրման դրական ազդեցությունը կարտահայտվի ինչպես անհատ բաժանորդներին մատուցվող ծառայությունների որակի բարձրացմամբ, այնպես էլ տնտեսության տարբեր ճյուղերի թվային վերափոխմամբ։ Միջազգային փորձը ցույց է տալիս, որ բեռնափոխադրման, մանրածախ առևտրի, արտադրության և խելացի քաղաքային միջավայրերում գործող կազմակերպությունները կարող են զգալիորեն բարելավել իրենց գործառնական արդյունավետությունը՝ ներդնելով IoT-ի, արհեստական ​​բանականության, ռոբոտաշինության, թվային կրկնօրինակների և ինքնավար տրանսպորտի լուծումներ։ Մենք վստահ ենք, որ 5G+-ը դառնալու է Հայաստանի թվային վերափոխման հաջորդ փուլի հիմնական շարժիչ ուժը», - ասել է Viva-ի գլխավոր տնօրեն Արմեն Ավետիսյանը։

«Բոլոր նրանք, ովքեր 2026 թ. հուլիսի 14-ից  օգոստոսի 14-ը ներառյալ 5G+ ցանցի հասանելիություն ունեցող քաղաքների և գյուղերի սպասարկման կենտրոններում կդառնան Viva-ի բաժանորդ, կստանան նվեր՝ 50 ԳԲ ինտերնետ փաթեթ», - ավելացրել է Viva-ի գլխավոր տնօրենը։

«Երևանի ամբողջ տարածքում անխափան 5G+ ծածկույթի ապահովումը լուրջ ինժեներական մարտահրավեր էր՝ պայմանավորված քաղաքի բարդ ռելիեֆով, որը ներառում է ինչպես ցածրադիր, այնպես էլ բարձրադիր տարածքներ։ Մեր նպատակն էր ապահովել ծառայությունների միևնույն բարձր որակը բոլոր վարչական շրջաններում՝ անկախ դրանց աշխարհագրական առանձնահատկություններից։ Ուրախ ենք, որ այսօր 5G+-ը հասանելի է ամբողջ Երևանում՝ մի քաղաքում, որտեղ ապրում է Հայաստանի բնակչության գրեթե կեսը։ Սա ևս մեկ կարևոր նվաճում է երկրի թվային ենթակառուցվածքների զարգացման ճանապարհին։ Մենք վստահ ենք, որ Viva-ի հետ համագործակցությամբ ստեղծված ենթակառուցվածքը ծառայելու է որպես առաջադեմ կապի հիմք՝ հաջորդ սերնդի թվային ծառայություններին, այդ թվում՝ արհեստական ​​բանականության վրա հիմնված ծառայություններին և նորարարական լուծումներին համապատասխանելու համար, որոնք օգուտ կբերեն Հայաստանի տնտեսությանը և հասարակությանը», - ասել է Կենտրոնական Եվրոպայում, Թուրքիայում և Կենտրոնական Ասիայում «Nokia»-ի փոխնախագահ Էրենսոյ Բիլգինը։

«5G+ ցանցի ներդրումը կարևոր փուլ է Հայաստանի թվային ենթակառուցվածքների զարգացման գործում։ Այն նոր հնարավորություններ է ստեղծում տնտեսության տարբեր ճյուղերի թվային վերափոխման համար՝ հնարավորություն տալով սպառողներին և բիզնեսներին նորարարական ծառայություններ և լուծումներ առաջարկել։ 5G+ ցանցի ընդլայնումը Հայաստանի մարզերի քաղաքներում կբարելավի առաջադեմ թվային ծառայությունների հասանելիությունը և կնպաստի երկրի ավելի հավասարակշռված թվային զարգացմանը։ Վստահ ենք, որ Viva-ի հետ համագործակցությամբ իրականացվող այս նախագիծը կարևոր հիմք է ստեղծելու Հայաստանի թվային տնտեսության հաջորդ սերնդի զարգացման համար», - Հայաստանում «Ericsson»-ի գլխավոր տնօրեն Գևորգ Այվազյանը։

«Մեծ հաճույքով Viva-ին ենք շնորհում Speedtest մրցանակը՝ որպես Հայաստանում 2026 թվականի առաջին կիսամյակում ամենաարագ բջջային ցանց ունեցող ընկերություն։ Viva-ի հանձնառությունը նորարարությանը և կապի ծառայությունների գերազանց որակին լիովին արտացոլվում է նրանց ապահոված տպավորիչ արագություններում և հուսալի ցանցում, և «Ookla»-ն հպարտությամբ է նշում նրանց հաջողությունը», - ասել է «Ookla»-ի նախագահ և գլխավոր գործադիր տնօրեն Սթիվեն Բայը։