Համարի վերագրանցում

«Համարի վերագրանցում» ծառայությունը հնարավորություն է տալիս Viva բաժանորդին համարը վերագրանցելու մեկ այլ անձի անունով։ Ծառայությունը կիրառվում է այն դեպքերում, երբ համարը փոխանցվում է այլ անձի (օրինակ՝ վաճառք, նվիրատվություն կամ ընտանիքի անդամների միջև փոխանցում) կամ անհրաժեշտ է համարը գրանցել այն փաստացի օգտագործողի տվյալներով։

«Համարի վերագրանցում» ծառայության վճարը կազմում է 500 դրամ*։ Գործընթացի ավարտից հետո համարի օգտագործման հետ կապված բոլոր իրավունքներն ու պարտականությունները փոխանցվում են նոր բաժանորդին։

Ծառայությունից օգտվելու համար, անհրաժեշտ է, որ Viva սպասարկման կենտրոն ներկայանան ինչպես ներկայում գրանցված, այնպես էլ նոր բաժանորդը՝ անձը հաստատող փաստաթղթերով։

* Ֆիզիկական անձ հանդիսացող բաժանորդների համար «Բրոնզե», «Արծաթե», «Ոսկե», «Պլատինե», «Ադամանդե», «Էլիտ» և «Պրեմիում» հեռախոսահամարների վերագրանցման դեպքում գանձվում է նաև հեռախոսահամարի արժեքը, բացառությամբ այն դեպքերի, երբ տվյալ հեռախոսահամարը օգտագործվել է առնվազն 24 ամիս։

Իրավաբանական անձ հանդիսացող բաժանորդների համար «Բրոնզե», «Արծաթե», «Ոսկե», «Պլատինե», «Ադամանդե», «Էլիտ» և «Պրեմիում» հեռախոսահամարների վերագրանցման դեպքում գանձվում է նաև հեռախոսահամարի արժեքը, բացառությամբ այն դեպքերի, երբ տվյալ հեռախոսահամարը օգտագործվել է առնվազն 6 ամիս:  «Smart Business» կորպորատիվ սակագնային պլանի բաժանորդների համար «Բրոնզե», «Արծաթե», «Ոսկե» և «Պլատինե» հեռախոսահամարների վերագրանցման դեպքում գանձվում է նաև հեռախոսահամարի արժեքը տվյալ սակագնային պլանի պայմաններով սահմանված համապատասխան պարտադիր բաժանորդագրության ժամկետի ավարտից շուտ վերագրանցում իրականացնելու դեպքում: