Մուտքային և ելքային զանգերի ու կարճ հաղորդագրությունների վերաբերյալ մանրամասն տեղեկությունների տրամադրման կարգը

Հիմք ընդունելով ՀՀ հանրային ծառայությունները կարգավորող հանձնաժողովի 21.06.2017թ.-ի թիվ 261Ն որոշումը՝ մատուցած ծառայությունների վերաբերյալ մանրամասն տեղեկությունները Viva-ի կողմից տրամադրվում են հետևյալ կարգով.

Մատուցված ծառայությունների վերաբերյալ մանրամասն տեղեկություններ ստանալու նպատակով բաժանորդը կարող է դիմում ներկայացնել Viva-ի ցանկացած սպասարկման կենտրոնում կամ առցանց՝ Ընկերության «Ինտերնետ օգնական» ինքնասպասարկման պորտալի կամ «My Viva» բջջային հավելվածի միջոցով:

«My Viva» հավելվածով և «Ինտերնետ օգնական» պորտալի նոր տարբերակով բաժանորդը կարող է անվճար ստանալ միայն վերջին 3* ամսվա ընթացքում  ելքային և մուտքային զանգերի և կարճ հաղորդագրությունների վերաբերյալ տվյալները։

Բաժանորդի դիմումի հիման վրա սպասարկման կենտրոնում Viva-ն տրամադրում է մանրամասն տեղեկություններ՝ թղթային և (կամ) էլեկտրոնային տարբերակներով վերջին 12 ամսվա ընթացքում մատուցված ծառայությունների վերաբերյալ, որոնք սակագրվել են և բաժանորդի համար ծառայության վճար առաջացրել (ծառայության վճար չառաջացրած մուտքային զանգերի և մուտքային կարճ հաղորդագրությունների վերաբերյալ տվյալները այս եղանակով չեն տրամադրվում)**։ Սպասարկման կենտրոն դիմելու միջոցով՝ թղթային եղանակով ծառայությունների վերաբերյալ մանրամասն տեղեկությունները ստանալու համար վճարը կազմում է 500 ՀՀ դրամ՝ հարցվող յուրաքանչյուր ամսվա համար, իսկ էլեկտրոնային եղանակով (բաժանորդի կողմից նշված էլեկտրոնային հասցեին ուղարկելու դեպքում) մանրամասն ծառայության համար գումար չի գանձվում:

Ծառայության վերոնշյալ պայմանները գործում են լիազորված անձի միջոցով մանրամասն տեղեկություններ ստանալու համար դիմումը ներկայացնելու պարագայում։

Մատուցված ծառայությունների վերաբերյալ մանրամասն տեղեկությունները ներառում են՝ հեռախոսահամարները, ծառայությունների մատուցման ամսաթվերը, ժամերը, րոպեները, վայրկյանները, խոսակցությունների տևողությունները, օգտագործած ինտերնետի արժեքը, ծառայությունների արժեքը:

* 3 ամիսը ներառում է ընթացիկ ամիսն ու դրան նախորդած երկու ամիսները։

** Մանրամասն հաշվում ներկայացվող տվյալները հասանելի կլինեն առավելագույնը 12 ամիսների համար։