Հաճախ Տրվող Հարցեր

«Մոբայլ ԱյԴի»/բջջային խիստ նույնականացումը և/կամ թվային էլեկտրոնային ստորագրությունը անվտանգ ծառայություն է, որը տրամադրում է Վիվա-ՄՏՍ-ը՝ ՀՀ կառավարության հետ համատեղ: Այն թույլ է տալիս նույնականացնել և ստուգել անձնական տվյալները ինտեգրված բոլոր համակարգերում:

Բջջային խիստ նույնականացումը և/կամ թվային ստորագրությունը վերացնում են էլեկտրոնային փաստաթղթաշրջանառության հետ կապված ռիսկերը և բացառում փաստաթղթերի ստորագրման կեղծումը.թվային էլեկտրոնային ստորագրությունը ստորագրատիրոջ՝ հեղինակային իրավունքով պաշտպանված սեփականությունն է և փաստում է, թե ով է փաստաթուղթը ստորագրողը, թվային էլեկտրոնային ստորագրությունը չի կարող կեղծվել, քանի որ այն ստորագրված է փաստաթղթի հեղինակի անձնական PIN- կոդի կիրառմամբ, իսկ PIN- կոդի փոխանցումը երրորդ անձանց չի ազատում անձին համապատասխան պատասխանատվությունից, թվային ստորագրությունը եզակի է յուրաքանչյուր փաստաթղթի համար, քանի որ այն ստեղծվում է էլեկտրոնային փաստաթղթի բովանդակության հիման վրա: Էլեկտրոնային ստորագրությունը փոփոխվում է փաստաթղթի բովանդակության ցանկացած փոփոխությանը զուգահեռ, ի տարբերություն ձեռագիր ստորագրության կամ նոտարական դրոշմակնիքի, որոնք նույնն են բոլոր ստորագրված և վավերացված փաստաթղթերի համար և չեն արտացոլում փաստաթղթի բովանդակությունը, արդեն թվային ստորագրված փաստաթուղթը չի կարող փոփոխվել, քանի որ փաստաթղթի ցանկացած փոփոխություն անվավեր է դարձնում թվային ստորագրությունը, էլեկտրոնային փաստաթուղթը թվային եղանակով ստորագրողը չի կարող հերքել իր իրավազորությունը։ Էլեկտրոնային փաստաթուղթը թվային ստորագրվել է իր ցանկությամբ և անձնական PIN-PIN-կոդով, որի վկայությունն են ստորագրված փաստաթղթի տեսանելի տվյալները։

«Մոբայլ ԱյԴի»/բջջային խիստ նույնականացման և/կամ թվային էլեկտրոնային ստորագրության ծառայությունը հասանելի է Հայաստանի Հանրապետության ցանկացած քաղաքացու, որն ունի Հանրային ծառայությունների համարանիշ և նույնականացման քարտ/անձնագիր և Վիվա-ՄՏՍ-ի ցանցում գրանցված բջջային հեռախոսահամար: «Մոբայլ ԱյԴի»/բջջային խիստ նույնականացման և/կամ թվային էլեկտրոնային ստորագրության ծառայության համար կարող են գրանցվել միայն ֆիզիկական անձ հանդիսացող բաժանորդները: Ներկայումս կորպորատիվ հաճախորդները չեն կարող ձեռք բերել «Մոբայլ ԱյԴի»/թվային էլեկտրոնային ստորագրություն:

«Մոբայլ ԱյԴի»/ բջջային խիստ նույնականացումը և/կամ թվային էլեկտրոնային ստորագրությունն ակտիվացնելու համար բաժանորդը Վիվա-ՄՏՍ-ի սպասարկման կենտրոնում պետք է փոխի իր SIM/USIM քարտը mSIM-ի: mSIM-ն ունի ներկառուցված ափլեթ, որն ապահովում է «Մոբայլ ԱյԴի» համակարգի ապահով աշխատանքը: mSIM քարտի փոխարինման գինը 500 դրամ է:

Այո, «Մոբայլ ԱյԴի»/բջջային խիստ նույնականացումը և/կամ թվային էլեկտրոնային ստորագրությունը հասանելի են բոլոր սմարթֆոնների և այլ՝ ոչ սմարթ հեռախոսների համար: Սարքը պետք է պարտադիր ունենա SMS ծառայության հնարավորություն:

www.yesem.am պորտալը նույնականացման և էլեկտրոնային ստորագրության ապահով համակարգ է: Պորտալի մուտքանունը գրանցված և հաստատված բջջային հեռախոսահամարն է՝ հետևյալ ձևաչափով՝ 0xx xx xx xx: PIN- կոդը գեներացվում է «Մոբայլ ԱյԴի»/բջջային խիստ նույնականացման և/կամ թվային էլեկտրոնային ստորագրության ծառայություններին գրանցվելիս: Փաստաթղթերի ստորագրումը և ստուգումը հնարավոր է իրականացնել նաև www.yesem.am պորտալում: «Yesem» պորտալը հետևում է «Մոբայլ ԱյԴի»-ի միջոցով կատարված բոլոր գործողություններին և պահում է բոլոր գործողությունների մասին տեղեկությունները:

Ծառայությունն ակտիվացնելու համար բաժանորդը պետք է անձամբ դիմի Վիվա-ՄՏՍ-ի ցանկացած սպասարկման կենտրոն՝ անձը հաստատող փաստաթղթով (նույնականացման քարտ կամ անձնագիր և Հանրային ծառայությունների համարանիշ) և իր բջջային հեռախոսով, որից հետո կիրականացվեն հետևյալ գործողությունները. բաժանորդը պետք է ստորագրի «Մոբայլ ԱյԴի»/բջջային խիստ նույնականացման և/կամ թվային էլեկտրոնային ստորագրության ակտիվացման դիմումի ձևը, բաժանորդի բջջային հեռախոսահամարի ֆիզիկական քարտը պետք է փոխարինվի mSIM քարտով, եթե դեռ չի փոխարինվել: Անհրաժեշտության դեպքում SIM քարտի փոխարինման ծառայության համար գանձվում է 500 ՀՀ դրամ, քարտը պետք է տեղադրվի բջջային հեռախոսի մեջ և ակտիվացվի, որից հետո սպասարկման կենտրոնի աշխատակիցն ուղարկում է ակտիվացման հարցումը բաժանորդի բջջային քարտին և mSIM քարտի ներկառուցված ափլեթի օգնությամբ բաժանորդը գեներացնում է PIN-կոդը նույնականացման և էլեկտրոնային ստորագրության համար: PIN-կոդը գեներացնելուց հետո «Մոբայլ ԱյԴի»-ն ակտիվանում է համակարգում, նույնականացման PIN-կոդի ակտիվացումից հետո բաժանորդը ստանում է ևս մեկ հրահանգ՝ մուտքագրելու PIN-կոդ՝ վավերացման բջջային խիստ նույնականացման ծառայությունը և/կամ էլեկտրոնային թվային ստորագրությունն ակտիվացնելու համար, եթե հաճախորդը ցանկանում է օգտվել տվյալ ծառայությունից, գրանցումն ավարտելու համար բաժանորդը պետք է 3000 ՀՀ դրամի չափով տարեկան վճար կատարի «ԷԿԵՆԳ» ՓԲԸ-ին: Վճարումը կատարվում է Վիվա-ՄՏՍ-ի սպասարկման կենտրոններում առկա «ՄոբիԴրամ» տերմինալներով կամ https://www.ekeng.am/en/payments հղմամբ նշված ցանկացած միջոցով

«Էլեկտրոնային կառավարման ենթակառուցվածքների ներդրման գրասենյակ»-ը («ԷԿԵՆԳ») թույլտվություն տրամադրող պետական կազմակերպություն է, որը կառավարում և աջակցում է հավաստագրերի շնորհմանը, թույլատրում է և էլեկտրոնային ստորագրության հավաստագրեր և էլեկտրոնային ստորագրությունից օգտվելու իրավունք է տալիս տարեկան վճարի դիմաց։ «ԷԿԵՆԳ»-ի մասին առավել մանրամասն տեղեկությունները ներկայացված են https://ekeng.am/ կայքում:

«Մոբայլ ԱյԴի»/բջջային խիստ նույնականացման և թվային էլեկտրոնային ստորագրության ծառայությունն անվճար է: Միակ վճարը «ԷԿԵՆԳ»-ի տարեկան 3000 դրամ վճարն է, որը վճարվում է https://www.ekeng.am/en/payments հղմամբ նշված ցանկացած միջոցով, և SIM քարտի փոխարինման սպասարկման վճարն է, եթե դրա անհրաժեշտությունը կա։

PIN- կոդը վեցանիշ ձևաչափով անձնական անվտանգության ծածկագիր է, որը ստեղծվել է բաժանորդի կողմից Վիվա-ՄՏՍ-ի սպասարկման կենտրոնում՝ «Մոբայլ ԱյԴի»/բջջային խիստ նույնականացման և/կամ թվային էլեկտրոնային ստորագրության հարթակում գրանցվելիս: Նույնականացման PIN- կոդի ակտիվացումից հետո Բաժանորդը ստանում է ևս մեկ հրահանգ՝ մուտքագրելու PIN- կոդ՝ վավերացման բջջային խիստ նույնականացման ծառայությունը և/կամ էլեկտրոնային թվային ստորագրությունն ակտիվացնելու համար, եթե հաճախորդը ցանկանում է օգտվել տվյալ ծառայությունից: PIN-կոդերը կարող են նույնը լինել՝ բաժանորդի հայեցողությամբ: PIN-կոդը երբեք չպետք է համօգտագործվի որևէ երրորդ կողմի հետ և պետք է հայտնի լինի միայն օգտատիրոջը: Երրորդ անձի կողմից PIN-կոդը ձեռք բերելը և անօրինական կերպով այն օգտագործելը փաստաթղթեր ստորագրելու նպատակով բաժանորդին չի ազատում պատասխանատվությունից:

PIN-կոդը մոռանալու կամ այն վերականգնելու անհրաժեշտության դեպքում բաժանորդը պետք է դիմի Վիվա-ՄՏՍ-ի ցանկացած սպասարկման կենտրոն իր սոցիալական համարով և նույնականացման քարտով/անձնագրով՝ PIN- կոդը վերականգնելու համար: Ծառայությունը մատուցվում է անվճար։

Արտասահմանում գտնվելիս «Մոբայլ ԱյԴի»/ բջջային խիստ նույնականացման և/կամ թվային էլեկտրոնային ստորագրության ծառայությունը հասանելի է, եթե ռոումինգ ծառայությունն ակտիվացված է, քանի որ «Մոբայլ ԱյԴի»/բջջային խիստ նույնականացման և/կամ թվային էլեկտրոնային ստորագրության ծառայության համար անհրաժեշտ է SMS ծառայության հասանելիություն։ Վճարները կիրառվում են այն դեպքում, երբ գանձվում են ռոումինգի վճարները:

Բջջային հեռախոսահամարի փոփոխման դեպքում գործող «Մոբայլ ԱյԴի»/ բջջային խիստ նույնականացումը և/կամ թվային էլեկտրոնային ստորագրությունը կդադարեցվեն, և նոր բջջային հեռախոսահամարը պետք է ակտիվացվի ստուգման նույն ընթացակարգով:

Եթե mSIM քարտը կորել է կամ գողացվել է, ապա բաժանորդը պետք է դիմի Վիվա-ՄՏՍ-ի սպասարկման կենտրոն՝ քարտի փոխարինման համար: Ընթացիկ «Մոբայլ ԱյԴի»/ բջջային խիստ նույնականացման և/կամ թվային էլեկտրոնային ստորագրությունը նույն վավերականությամբ հասանելի կլինի նոր բաժանորդագրության համար:

«Մոբայլ ԱյԴի»/բջջային խիստ նույնականացման և/կամ թվային էլեկտրոնային ստորագրության ծառայությունն ունի 10 տարի վավերականության ժամկետ: Հաճախորդը կտեղեկացվի երկարաձգման մասին վավերականության ժամկետի ավարտից 15 օր առաջ, որից հետո հաճախորդը պետք է այցելի Վիվա-ՄՏՍ-ի սպասարկման կենտրոն՝ նոր «Մոբայլ ԱյԴի»/բջջային խիստ նույնականացման և/կամ թվային էլեկտրոնային ստորագրության ծառայությունն ակտիվացնելու համար:

Բջջային հեռախոսահամարի սեփականատիրոջ փոփոխության դեպքում «Մոբայլ ԱյԴի»/ բջջային խիստ նույնականացման և/կամ թվային էլեկտրոնային ստորագրության ծառայությունը կդադարեցվի:

«Մոբայլ ԱյԴի»/բջջային խիստ նույնականացման և թվային էլեկտրոնային ստորագրության ծառայությունը կասեցման դեպքում չի գործի, քանի որ այն պահանջում է ակտիվ SMS ծառայություն, որը կասեցվելու ժամանակ կարգելափակվի: Իսկ նորից միանալուց հետո ծառայությունը կրկին կաշխատի պատշաճ կերպով:

Փաստաթղթերի ստորագրման համար հաճախորդը կարող է օգտվել https://yesem.am/documentsigning/ հարթակից կամ փաստաթղթեր ստորագրել «Մոբայլ ԱյԴի»-ի ինտեգրված ծառայություն մատուցողների հարթակներում:

«Մոբայլ ԱյԴի»-ի միջոցով հաճախորդը կարող է օգտվել բջջային խիստ նույնականացման և էլեկտրոնային ստորագրության ծառայություններից:

Հաճախորդը պետք է մուտք գործի https://yesem.am/documentsigning/ կայք, անցնի նույնականացում, վերբեռնի փաստաթղթերը (MS Word և PDF ձևաչափով) և ստորագրի դրանք։ Նույն էջից մուտք գործելուց հետո ստորագրված փաստաթուղթը կարելի է ներբեռնել:

Հաճախորդը պետք է մուտք գործի https://yesem.am/documentsigning/ կայք, անցնի նույնականացում, վերբեռնի փաստաթղթերը (MS Word և PDF ձևաչափով) և ստորագրի դրանք՝ օգտագործելով հեռախոսի PIN-կոդը: Հաճախորդը կարող է կառավարել «Մոբայլ ԱյԴի»-ի ծառայությունները նաև https://yesem.am/selfcare/ հարթակի միջոցով, որն ապահովում է «Մոբայլ ԱյԴի»-ի բոլոր գործարքները ստուգելու, PIN--ը վերականգնելու, ափլեթի լեզուն փոխելու գործառույթներ: